अगदी सुटसुटीत आणि तेवढ्याच चवीने खाणाऱ्यांसाठी हा स्पेशल पदार्थ आहे. सोबत तांबडा-पांढरा रस्सा असेल आणि ग्रेव्हीची गरज नसेल तर चिकन फ्रायसारखा चविष्ट पदार्थ दुसरा नाही.
साहित्य : एक किलो चिकन, आले लसूण पेस्ट, मिरची पूड, हळदपूड, गरम मसाला, फोडणीसाठी खडा मसाला, फोडणीसाठी तीन पळ्या तेल, हिंगपूड, धने, जिरे भाजून पूड, मीठ.
कृती : सर्वप्रथम चिकन स्वच्छ धुवून घ्यावे. त्याला आले, लसूण पेस्ट, मिरचीपूड, हळदपूड, गरम मसाला पूड, धने जिरे पूड असे सर्व लावून मेरिनेट करून लावून किमान अर्धा तास ठेवावे व मुरू द्यावे. नंतर एका रुंद पातेल्यात तेल घालून तापवावे. तेल तापले की त्यात पाव चमचा हिंग पूड घालावी. त्यावर खडा मसाला टाकावा व मेरिनेट केलेले चिकन टाकून झाकण ठेवून चांगले परतावे व त्यावर पाणी ठेवावे. मंद जाळावर चांगले शिजू द्यावे. अधूनमधून परतावे व चांगली वाफ काढावी. खाली लागू देऊ नये. चांगले शिजवावे व नंतर एका बाऊलमध्ये काढून घ्यावे. कडेने उकडलेल्या अंड्यांच्या चकत्या ओळीने लावा. त्यातील मधल्या पिवळ्यावर बरीक चिरलेली हिरवी कोथिंबीर थोडी थोडी घालावी. त्यामुळे ते डेकोरेटिव्ह होते. त्यानंतर ते सर्व्ह करावे. हे चिकन अतिशय स्वादिष्ट लागते. ते चपाती, पराठा किंवा फुलक्यांबरोबर चांगले लागते. आवडत असल्यास लिंबू पिळून घ्यावे. मिरची पूड ऐवजी नेहमीचा मसाला घातला तरी चालेल.
chicken fry recipes in marathi
चिकन फ्राय कृती
चिकन 65 बनाने की विधि
चिकन फ्राई बनाने की विधि
चिकन फ्राई रेसिपी
चिकन चिली
चिकन रस्सा मराठी
चिकन कोरमा
चिकन मसाला मराठी
No comments:
Post a Comment