Masala Paratha Recipe In Marathi Language

कसा बनवायचा मसाला पराठा? | How to make Masala Paratha

खमंग आणि लज्जतदार, पोटभरीचा, सगळ्यांच्या आवडीचा पदार्थ

Masala Paratha : मसाला पराठा

पराठा हा कुठल्याही ऋतूमध्ये, कुठल्याही वेळी चालणारा, सगळ्यांना आवडणारा पोटभरीचा पदार्थ आहे. अर्थात, पावसाळ्यात किंवा थंडीत गरमागरम पराठा आणि त्याबरोबर झणझणीत चटणी, लोणी, तूप किंवा दही, याची चव वेगळीच असते म्हणा. भाज्या, आलं, लसूण, मिरची किंवा असलंच काहीतरी मिश्रण कणकेच्या गोळ्यात घालून ते लाटून, भाजून त्याचा लज्जतदार पराठा करण्याचा शोध ज्यानं किंवा जिनं कुणी लावला असेल, तिला साष्टांग दंडवतच घालायला हवा. महाराष्ट्रात जितकी पुरणपोळी लोकप्रिय आहे, तेवढाच उत्तर भारतात पराठा प्रसिद्ध आहे. उत्तर भारतातला नाश्ता किंवा जेवण पराठ्याशिवाय पूर्णच होत नाही, असंही म्हणायला हरकत नाही. भारतीय लोकांना मसालेदार खाणं जास्त आवडतं. लवंग, वेलची, जायफळ, तमालपत्र, दालचिनी, मिरची, असले वेगवेगळे प्रकार एकत्र करून केलेला मसाला, वर कांदा, लसूण, आलं, यांची साथ असेल, तर मसाल्याला भन्नाट चव येते. पराठ्यांच्या मिश्रणातही हेच मसाले रंगत आणतात. कणकेत भरण्याचं हे सारण किंवा मिश्रण जेवढं जास्त मसालेदार आणि खमंग, तेवढी पराठ्याची चव वाढते. अगदी आलू पराठ्यापासून लच्छा पराठा, पनीर पराठा, मिक्स व्हेज पराठा, मुळ्याचा पराठा, असे अनेक प्रकार अस्तित्त्वात आहेत आणि ते सगळेच लोकप्रिय आहेत. दिल्लीसारख्या ठिकाणी तर लाल किल्ल्यासमोर खास पराठा गल्ली आहे. ही गल्ली आणि तिथले वेगवेगळ्या चवीचे पराठे ही दिल्लीची आणखी एक ओळख आहे. तिथल्या पराठ्यांची चव चाखल्याशिवाय आणि त्यांची तारीफ केल्याशिवाय दिल्लीची सहल पूर्ण होऊच शकत नाही. अर्थात, तेवढाच खमंग आणि खुसखुशीत पराठा घरीसुद्धा बनवता येतो. बाहेरच्या पराठ्यांमध्ये मैद्याचा वापर जास्त असतो. तो टाळून घरी कणकेपासूनही उत्तम पराठा बनू शकतो. आज आपण बघूया, मसाला पराठ्याची रेसिपी.

साहित्य

---

• एक चमचा धनेपूड
• एक चमचा जिरे पूड
• चार चमचे गरम मसाला
• चिरलेली कोथिंबीर
• मीठ चवीनुसार
• पाव चमचा पिठीसाखर
• दोन-तीन चमचे तीळ
• बटर
• दोन वाट्या गव्हाच्या पीठाची भिजवलेली कणीक

पाककृती

---

• तीळ सोडून सर्व मसाले एकत्र कालवावेत.
• कणकेचा एक गोळा घेऊन फुलक्याएवढी पोळी लाटावी.
• पोळीला बटर लावावे.
• तयार मसाल्यापैकी 1 चमचा मसाला पोळीवर पसरून त्याचा घट्ट रोल करावा.
• रोल चकलीप्रमाणे घट्ट वळवावा. तिळ टाकून दाबावा.
• पीठ लावून जाडसर पराठा लाटावा.
• तेल सोडून खरपूस भाजून घ्यावा. चटणी, दही, तूप किंवा लोणच्याबरोबरही गरम पराठा छान लागतो.

पाककृतीसाठी लागणारा वेळ : १५ मिनिटे
पूर्वतयारीसाठी लागणारा वेळ : १० मिनिटे
एकूण वेळ : २५ मिनिटे
पदार्थाचा प्रकार : जेवणातील पदार्थ
किती व्यक्तींसाठी : २ व्यक्तींसाठी

masala paratha recipe in marathi

masala paratha recipe in hindi

masala paratha recipe video

masala paratha by sanjeev kapoor

simple masala paratha

paratha 301 recipes

paratha recipe hindi

paratha recipe in gujarati language

paratha recipes by sanjeev kapoor

Patti samosa recipe in marathi

कसा बनवायचा पट्टी समोसा? | How to make Patti Samosa

चुरचुरीत आणि चटपटीत, गप्पांच्या मैफलीत रंग भरणारा पदार्थ

Patti Samosa : पट्टी सामोसा

काही पदार्थ खाण्याला एक ठराविक वेळ, काळ असावा लागतो. म्हणजे, ते तसे कुठल्याही वेळी खाता येतात, पण ते विशिष्ट वेळी खाल्ले, तर त्यांची लज्जत वाढते. सकाळी चहाबरोबर पेपर वाचत, गप्पा मारत चकली कुडकुडवण्यात किंवा बिस्किटाचे तुकडे मोडण्यात वेगळीच मजा असते. त्यानं चहाची रंगत वाढते. दुपारच्या जेवणात पोळी, भाकरी किंवा भाताबरोबर भाजी, आमटी असेल, तरी वेगळी चटणी, कोशिंबीर असली, तर जेवणाला खास चव येते. कुठल्या पदार्थाबरोबर कुठली चटणी खायची, हे गणितही ठरलेलं असतं. तशी समोसा ही गोष्ट संध्याकाळी, मस्त गार वारा सुटलेला असताना, एखाद्या आवडत्या कट्ट्यावर गप्पा हाणत बसल्यानंतर खायची गोष्ट आहे. सामोसा खाणं हीच एक मैफल असते. आत वेगळं सारण, बाहेरून वेगळं आवरण, हे दोन्ही तळल्यानंतर त्याला येणारी एक आगळी चव, चटपटीत आणि झणझणीतपणा, याची कशाशी तुलनाच होऊ शकत नाही. संध्याकाळच्या अशा गप्पांच्या मैफलीबरोबरच समोसाची चव द्विगुणित होते, ती थिएटरच्या मध्यांतरात. अर्ध्या सिनेमाचा आनंद घेऊन झाल्यानंतर समोसा चघळत आणि चहा किंवा कॉफीचे घुटके घेत त्यावर चर्चा करण्याचा आनंद वेगळा असतो. सामोशाचाच धाकटा भाऊ म्हणजे पट्टी सामोसा. इराणी हॉटेलमधला हा लोकप्रिय प्रकार अतिशय चविष्ट आणि स्वतःची वेगळी ओळख राखणारा. नेहमीच्या सामोशापेक्षा जास्त चुरचुरीत आणि छोटा असल्यामुळे काही लोकांना हा जास्त आवडीचा असतो. विशेषतः जागतिक आरोग्य वगैरे गंभीर समस्यांवर चर्चा करायची असेल, तर चहा आणि पट्टी सामोसा, यांना पर्याय नाही! तुम्हीसुद्धा घरी हा सामोसा (आणि चर्चा!) करून बघा.

साहित्य

---

• आवरणासाठी
• २ वाट्या मैदा
• १ वाटी बेसन
• ५ चमचे तेल (मोहनासाठी)
•  
•  
• सारणासाठी
• १ वाटी मटार
• २ उकडलेले बटाटे
• अर्धी वाटी उभा चिरलेला कोबी
• ३-४ हिरव्या मिरच्या
• १ चमचा गरम मसाला
• १ चमचा लिंबू रस
• मीठ
• तळण्यासाठी तेल
• फोडणीचे साहित्य: ३-४ चमचे तेल, मोहोरी, जिरे, हिंग, हळद

पाककृती

---

• सर्वप्रथम मैदा व बेसन एकत्र करावे. ५ चमचे तेलाचे कडकडीत मोहन घालावे. चवीपुरते मीठ घालावे. पाणी घालून पीठ घट्ट भिजवावे.
• बटाटे सोलून त्याच्या छोट्या छोट्या चौकोनी फोडी कराव्यात किंवा स्मॅश करावेत.
• फ्राईंग पॅनमध्ये ३-४ चमचे तेल गरम करावे. त्यात मोहरी, जिरे, हिंग, हळद, मिरच्या घालून फोडणी करावी
• फोडणीत कोबी घालून परतावा आणि एक वाफ आणावी.
• नंतर मटार घालून मध्यम आचेवर वाफ काढावी. अधूनमधून ढवळावे.
• मटार शिजले कि बटाट्याच्या फोडी घालून वाफ आणावी.
• नंतर त्यात गरम मसाला, मीठ, लिंबू रस घालून ढवळावे. गॅस बंद करावा. मिश्रण गार होऊ द्यावे.
• भिजवलेल्या पिठाच्या फुलक्याच्या आकाराच्या पातळसर पोळ्या लाटाव्यात. प्रत्येक पोळी दोन्ही बाजूने फक्त ४ सेकंद भाजावी.
• १/२ वाटी मैदा घेऊन त्याची घट्टसर पेस्ट बनवावी. भाजलेल्या प्रत्येक पोळीचे सुरीने दोन अर्धगोलाकार भाग करावेत.
• अर्धगोलाच्या दोन्ही बाजूंवर पेस्ट लावून एकमेकावर जोडून कोन बनावावा.
• कोनात २ चमचे भाजी भरून राहिलेल्या बाजूला पेस्ट लावून ती बाजू दुमडून चिकटवावी. त्रिकोणी आकार द्यावा. सामोसे मध्यम आचेवर तळून घ्यावेत.

पाककृतीसाठी लागणारा वेळ : २० मिनिटे
पूर्वतयारीसाठी लागणारा वेळ : २० मिनिटे
एकूण वेळ : ४० मिनिटे
पदार्थाचा प्रकार : नाश्ता
किती व्यक्तींसाठी : ४ व्यक्तींसाठी



patti samosa recipe in marathi

how to prepare samosa patti

patti samosa recipe by sanjeev kapoor

poha patti samosa recipe

samosa recipe in marathi language

patti samosa in mumbai

readymade samosa patti

patti samosa dough

samosa recipe in marathi video

Alu vadi maharashtrian recipe in marathi

कशी करायची अळूवडी? | How to make Alu Vadi

सहज आणि झटपट बनणारा, चमचमीत आणि खमंग पदार्थ

Alu Vadi : अळू वडी

घराच्या मागच्या अंगणात अळवाचे दोन कांदे सुखानं एकत्र नांदत होते. एकाच मातीतलं वाटून खायचं, एकमेकांच्या वॉटरबॅगमधलं पाणी प्यायचं, किड्यामुंग्यांपासून एकमेकांना वाचवायचं, सकाळी डोकावून बाहेर बघायचं आणि अंधार पडला की मातीचं पांघरूण घेऊन छान झोपून जायचं, हा त्यांचा दिनक्रम. एके दिवशी दोघांनाही कोंब फुटले. ते फुटण्यात काही तासांचं अंतर होतं, म्हणून एक झालं धाकटं अळू आणि दुसरं झालं थोरलं. दोन्ही कोंब वाढत गेले आणि त्यांना आणखी कोंब फुटले. त्यातून अळवाच्या जाड देट्या तयार झाल्या, त्यांना पानं फुटली आणि ती पसरली, वाढली. मग त्या देट्यांना शिंगं फुटली. कोण जास्त मोठं, कुणाची पानं जास्त रुंद, सुंदर, याच्यावरून स्पर्धा सुरू झाली. थंडीचे दिवस होते. एके दिवशी सकाळी पानांवर दव पडलं. धाकट्या अळवाला त्याचा गर्व झाला. त्याला वाटलं, आपल्या अंगावर मोतीच उगवलेत. मोठं अळू मात्र शांत होतं. त्याच्याही अंगावर असे मोती जमा झाले होतेच, पण त्याला गर्व झाला नव्हता. धाकट्यानं लगेच थोरल्याला चिडवायला सुरुवात केली. आपल्याच अंगावरचा मोती जास्त मौल्यवान आणि सुंदर, असं त्याला वाटायला लागलं होतं. त्या निमित्तानं मनात दडून बसलेल्या काही दिवसांच्या कटू भावनाही ओठांवर आल्या. तरीही थोरल्यानं प्रतिक्रिया दिली नाही. त्याचं आपलं नेहमीचं काम सुरू होतं. उन्हं वर आली, पानं हलायला लागली, तशी मोतीसुद्धा इकडे तिकडे व्हायला लागले. सूर्यप्रकाशाच्या दिशेनं पानांनी माना जरा वर केल्या आणि काही मोतीही टपाटप गळायला लागले. अजूनही धाकट्याचा गर्व काही कमी होत नव्हता. अचानक कुणीतरी दोन्ही अळवांच्या पानांना गदगदा हलवतंय, अशी जाणीव झाली आणि काही लक्षात यायच्या आत मालकानं पानं आणि देटी दोन्ही कापून टोपलीत भरली. अळूवड्या तयार होऊन डिशमध्ये उतरल्या आणि थोड्याच काळात पाहुण्यांच्या जिभेवरही पडल्या. एका पाहुण्यानं एकदम तोंडातला घास बाहेर काढला, गटागटा पाणी प्यायलं. “कशीतरीच लागतेय वडी!“ त्यानं एकदम तोंड वाकडं केलं. “हो का? अरे देवा! खाजरं दिसतंय अळू!“ मालकीणबाई म्हणाल्या आणि त्यांनी `ह्या खाऊन बघा,` म्हणत दुसऱ्या वाडग्यातल्या वड्या त्यांच्यासमोर ठेवल्या. पाहुण्यानं त्या चवीनं खाल्ल्या. `ह्या धाकट्याची खाज अजून जात नाही!` थोरल्यानं तोंडात पडल्यापडल्या प्रतिक्रिया व्यक्त केली.

साहित्य

---

• अळूवड्यांची आठ पाने (भाजीचं आणि वड्यांचं अळू वेगळं असतं, ते पारखून, विचारून घ्यावं.)
• १ वाटी हरभरा डाळीचे पीठ
• १ चमचा कॉर्नफ्लोअर
• चवीनुसार मीठ
• जिरं २ छोटे चमचे
• पांढरे तीळ १ छोटा चमचा
• चिंचेचा कोळ १/४ वाटी
• २ चमचे किसलेला गूळ
• तळण्यासाठी तेल
• ओलं खोबरं १/२ वाटी
• 2 चमचे लाल तिखट
• चिमूटभर हळद
• चिमूटभर हिंग
• ओलं खोबरं
• कोथिंबीर

पाककृती

---

• डाळीच्या पिठात कॉर्नफ्लोअर, लाल तिखट, मीठ, तीळ, जिरे, हळद, हिंग, चिंचेचा कोळ, गूळ घालून एकजीव करून घ्यावे.
• थोडे पाणी घालून घट्टसर भिजवून घ्यावे. खार पातळ करू नये.
• अळूची पाने स्वच्छ धुवून पुसून घ्यावी. देठ कापून टाकणे. पानाच्या मागील बाजूवर मिश्रणाचा पातळ थर हाताने पसरावा.
• त्यावर दुसरे पान उलटे ठेवावे आणि मिश्रण पसरावे.
• अशा प्रकारे एकावर एक 4 पानांवर मिश्रण पसरून दोन्ही बाजूने आत पान दुमडून छान रोल करावा.
• रोल करताना मध्ये मध्ये मिश्रण लावावे.
• कूकरच्या भांड्याला तेल लावून रोल ठेऊन कुकरमध्ये शिट्टी न लावता १०-१५ मिनिटे वाफेवर रोल शिजवून घ्यावा.
• शिट्टी लावल्यास 3 ते 4 शिट्ट्या कराव्यात.
• कूकरमध्ये न लावता ढोकळ्याप्रमाणे बाहेरही शिजवता येतो.
• थंड झाल्यावर उभे काप करून गरम तेलात कुरकुरीत तळून घ्यावे किंवा शॅलो फ्राय करून घ्यावे.
• ओलं खोबरं आणि कोथिंबीर पसरवावी.

पाककृतीसाठी लागणारा वेळ : १५ मिनिटे
पूर्वतयारीसाठी लागणारा वेळ : १० मिनिटे
एकूण वेळ : २५ मिनिटे
पदार्थाचा प्रकार : स्नॅक्स
किती व्यक्तींसाठी : ४ व्यक्तींसाठी

alu vadi maharashtrian recipe in marathi

alu vadi recipe in marathi video

alu vadi recipe by sanjeev kapoor

alu vadi recipe by nisha madhulika

aloo vadi recipe in hindi

alu vadi recipe by archana

alu wadi recipe in marathi

aluchi bhaji recipe in marathi

alu vadi recipe punjabi
marathi
alu vadi recipe by sanjeev kapoor
alu vadi recipe by nisha madhulika
aloo vadi recipe in hindi
alu vadi recipe by archana
aluchi bhaji recipe in marathi
alu vadi recipe punjabi
alu wadi leaves
alu vadi recipe tarla dalal

paschim maharashtra recipe

paschim maharashtra recipe

paschim maharashtra recipe

Khandeshi Recipes

Khandeshi Recipes

Recipes from Vidarbha

Recipes from Vidarbha

Recipe from Marathwada

Recipe from Marathwada

The Best Konkani Food Recipes

The Best Konkani Food Recipes

Chimbori recipe in marathi चिंबोरी

पावसाळ्यात चहा आणि भजीची लज्जत काही औरच. पण ‌ही झाली संध्याकाळची पंगत. जेवणाचे ताटही खास पावसाळी पदार्थांनी सजायला हवंच. या मोसमात मत्स्यप्रेमींच्या तोंडाला पाणी आणते ती, चिंबोरी. खास पावसात तब्येतीत ताव मारल्या जाणाऱ्या या चिंबोरीचे प्रकार आणि त्या बनवण्याच्या पद्धतीत खूप विविधता आढळते. चिंबोरी अनेकदा घरीच करणं पसंत केलं जातं. कारण हॉटेलमध्ये अस्सल चवीची चिंबोरी मिळतेच असं नाही. पण चटकदार चिंबोरीचा पर्याय बदलापूर पश्चिमेला साई सागर रेस्टॉरंटमध्ये नक्की सापडेल.

चिंबोरी सूप, गावठी भरलेली चिंबोरी, तंदूर चिंबोरी, आगरी पद्धतीची चिंबोरी, खाडीची चिंबोरी, नदीची चिंबोरी, समुद्राची चिंबोरी... कित्येक प्रकार आणि त्याचे स्वादही. या चवींचा आस्वाद घेऊ तितका थोडा. गांधीनगरमधील बाजारपेठेजवळील साई-सागर गार्डन रेस्टॉरंटमधील या खास चिंबोरी स्पेशल ‌डिशचा आस्वाद तृप्त करतो.

  

चिंबोरी सूप Chimbori Soup

गावठी चिंबोरीच्या छोट्या नांग्या कुस्करून त्यांचा रस तयार केला जातो. त्यात चवीनुसार मीठ, मसाला टाकून हे सूप सर्व्ह केलं जातं. या सुपाचा चमचा तोंडात गेल्यावरच एक बाऊल आणखी घ्यावं, अशी इच्छा होते.

आगरी चिंबोरी (खाडीची) Aagari Chimbori  Khadichi

बदलापुरात आगरी समाजाची वस्ती मोठ्या प्रमाणात आहे. त्यामुळे इतर ठिकाणांप्रमाणे इथेही आगरी पद्धतीच्या चिकन आणि मटनासारख्या पदार्थांची रेलचेल आहे. पण आगरी चिंबोरीची बातच न्यारी... कारण खाडीच्या पाण्यातील ही चिंबोरी आगरी मसाल्याने भरलेली असते. मोठ्या आकाराची असते. आगरी मसाल्याची चव वेगळीच असते. याच चवीतील चिंबोरी म्हणजे खवय्यांसाठी पर्वणीच.

गावठी चिंबोरी (नदीची) Gavathi Chimbori Nadichi

आगरी समाजाप्रमाणे इथे मुंबई-ठाणे या भागातून आलेले इतर प्रांतातील चिंबोरीप्रेमींना नदीच्या पाण्याची भरलेली काळी गावठी चिंबोरी जास्त आवडतात. कोकणातील चाकरमान्यांसाठी तर चिंबोरी म्हणजे खूप काही. कोकण पट्ट्यात चिंबोरीत गोड्या मसाल्याबरोबर मालवणी तिखट मसाला आणि ओले खोबरं, असं मिश्रण वापरलं जातं. हाच मसाला गावठी चिंबोरीत असतो.

तंदुरी चिंबोरी (खाऱ्या पाण्याची) Tanduri chimbori Kharya panyachi

आतापर्यंत आपण तंदुरीमधील चिकन, मटणाचे प्रकार पाहिले. पण तंदुरी चिंबोरीचा पर्यायही येथे आहे. या ठिकाणी खाऱ्या पाण्यातील, वीतभर लांबीची चिंबोरी तंदुरी मसाला लावून चिकन तंदुरीप्रमाणे भट्टीत भाजली जाते. लालभडक तंदुरी चिंबोरी पाहून वा क्या बात है... असे उद्गार आपसूकच येतात.

इतर मांसाहारी पदार्थ

इतरही मांसाहारी पदार्थ चांगल्या चवीचे आहेत. प्रॉन्झ कुरकुरा, हे त्यातील एक. यामध्ये न सोललेली ही कोळंबी छान तळलेली असते. पुदीन्याच्या चटणीतील कोळंबी म्हणजे फ्रॉन्स मिंट सॉस. यासाठी लागणारी कोळंबी, नदीच्या पाण्यातील आणि तलावतील असतात. याच बरोबर पत्रानी पापलेट. तळलेले पापलेट केळीच्या पानावर सर्व्ह केले जाते. चिकन आणि मटणाचे अनेक पदार्थही इथे मिळतात.

शाकाहारी खवय्यांसाठी

येथे शाकाहारी पदार्थांची चवही छान आहे. शाकाहारीमध्ये स्टार्टरपासून मेन कोर्सपर्यंत सर्व पदार्थ आपल्याला मिळतात. विशेष म्हणजे ग्राहकाने सांगितलेली आगळीवेगळी रेसिपीही येथे बनवून दिली जाते, असे साई-सागर फॅमिली रेस्टॉरंटचे संचालक अरुण चव्हाण यांनी सांगितले.

recipe for rakti mundi

रक्ती मुंडी : देशभरात भेजा फ्राय म्हणून मिळणारा प्रकार आणि कोल्हापुरात मिळणारी रक्ती मुंडी यात फरक आहे. पण अगदीच सांगायचं, तर मुंबईत ज्याला वजरी म्हणतात, तसाच काहीसा वेगळ्या पद्धतीचा हा प्रकार म्हणता येईल.

त्यासाठी बकऱ्याचं ताजं रक्त, दोन कप बकऱ्याच्या मुंडीचं मांस, कांदे, कोल्हापुरी मसाला, इतक्याच मोजक्या साहित्यावर ही रक्ती-मुंडी तयार होते.

 बकऱ्याचं रक्त ताजं असतानाच घ्यावं लागतं. नुसतं मीठ घालून ते रक्त गरम करावं लागतं. ही कृती करण्याआधी पाहून घेतली तर बरं. नाही तर किती तापवायचं याचं गणित न जमल्याने या पदार्थाचा खेळखंडोबा होऊ शकतो.

नुसत्या कांदा-मसाल्यावर मुंडींचं मटण शिजवायचं आणि दोन्ही एकत्र करून ही रक्ती मुंडी वाढली जाते. रक्ती मुंडी बनवणं म्हणजे मोठं संयमाचं काम. साधारणपणे चार ते पाच तास इतकाही वेळ रक्ती मुंडी बनवायला लागतो. कोल्हापुरातल्या मटणवाल्याला रक्तीमुंडीसाठी वेगळं मटण सांगितलं, तर तो बकऱ्याच्या मुंडीचे बारीक तुकडे करून स्वच्छ करून देतो. मग आधी रक्ती म्हणजे रक्त शिजवून घ्यायचं. नंतर त्यात मुंडीचं मटण शिजवून दोन्ही एकत्र करायचं.

अशी ही रक्ती मुंडी खवय्यांना चटक लावणारी असते.
Mundi recipes

Mutton-kharda recipe मटण खर्डा

मटण खर्डा : हा प्रकार असाच खवय्याची जीभ चाळवणारा. एरव्ही कोल्हापुरी मटण हे तिखटच असतं. पण ते लालभडक रश्शाचं असतं. कोल्हापुरी मिरचीचा ठसका लागणारं मटणही असतं. पण खर्डा मटण हिरव्या मिरचीचा ठेचा घालून बनवलं जातं. जसा कोल्हापुरी तांबडा रस्सा बनवला जातो, तसंच बनवयाचं. फक्त त्यात लाल तिखटाऐवजी मिरचीचा खर्डा वापरला जातो.

mutton kharda recipe

kharda recipe

lal mirchi thecha recipe in marathi

maharashtrian thecha chutney

lasuni thecha recipe

thecha recipe by sanjeev kapoor

varhadi thecha recipe in marathi

varadi thecha recipe

peanut thecha recipe

egg khandoli recipe खांडोळी

egg khandoli recipe

खांडोळी : या नावावरूनच या पदार्थाविषयी उगाच काय समोर येईल, याची धास्ती वाटेल. पण अंड्याच्या अनेक प्रकारांना मागे सारेल, असा हा टेस्टी पदार्थ आहे. आम्लेट पाव जसा कोणत्याही शहरात, कुठेही खाता येईल असा प्रकार आहे, तसं खांडोळीचं नाही. त्यासाठी कोल्हापूरला जायला हवं. अर्थात, तिथे कधी खाऊन येण्याची संधी मिळाली तर घरीही करून पाहता येईल.

हाफ फ्राय करण्यासाठी तव्यावर टाकलेल्या अंड्यावरच ब्रेडची स्लाइस दाबून धरायची. त्या ब्रेडच्या स्लाइसला मैदानात एखाद्या पैलवानाला लोळवावं, तसा तो ब्रेड लोळवायचा. चारही बाजूने अंड्याचं मिश्रण लागलेल्या या आम्लेट-पावाची तव्यातच खांडोळी करायची, म्हणजे त्याचे तुकडे करायचे. मग प्लेटमध्ये ती खांडोळी वर तिखट-मीठ, कच्चा कांदा खालून दिली जाते. अंड्याची ही खांडोळी मटणाच्या कोणत्याही डिशला मागे सारेल अशीच आहे.

खांडोळी साहित्य : अंडी, ब्रेड स्लाइसेस, बारीक चिरलेली कोथिंबीर, एक चमचा बटर, पाव चमचा मिरपूड किंवा तिखट, मीठ चवीपुरते.

कृती : अंडी फोडून चांगली फेटून घ्यावी. त्यात मिरपूड भूरभुरावी. तव्यावर अंड्याचे बॅटर ओतून घट्ट व्हायच्या आत ब्रेड स्लाइस दाबा. अशा प्रकारे दोन्ही बाजूंनी ब्रेड चांगला भाजून घ्यावा. त्याला डिशमध्ये घेऊन चौकोनी कापून घ्यावे, कोथिंबीर घालून गरमागरम खाण्याची मजा काही और आहे. त्यात आणखी नावीन्य आणायचं असेल तर किसलेलं चीज घालून केचपसह खाता येते.

khandoli

khandoli recipe

khandoli dish

khandoli food

khandoli institute of technology giridih

khandoli agra

egg khandoli recipe